• Thomas Edison.
  • Petter Higgs.
  • Werner Heisenberg.
  • Albert Einstein.

Announcements

СООПШТЕНИЕ ! (23.06.2023)

СООПШТЕНИЕ ! (23.06.2023)

На 20 јуни 2023 година во Хановер Германија, заврши 7. Европска олимпијада по физика. На оваа олимпијада учениците од Македонија го забележаа најголемиот успех во досегашното учество на Европската олимпијада, освојувајќи два сребрени медали и два бронзени медали.

1. Јан Стојановски, ученик во трета година во ПСУ Јахја Кемал - Скопје, сребрен медал

2. Мајкл Георгиевски, ученик во четврта година во СОУ Гимназија Добри Даскалов - Кавадарци, сребрен медал.

3. Емилија Николовска, ученичка во трета година во Математичко - информатичка гимназија - Скопје, бронзен медал

4. Матеј Гелев, ученик во трета година во ПСУ Јахја Кемал - Скопје, бронзен медал.

Во тимот учествуваше и достојно го покажа своето знаење и Дамјан Стојанов, ученик во втора година во ПСУ Јахја Кемал - Скопје.

Тимот го предводеа проф. д-р Ирина Петреска, редовен професор на ПМФ во Скопје и член на ДФРМ и м-р Христијан Кочанковски, асистент на ПМФ во Скопје и член на ДФРМ.

На 7. Европска олимпијада која се одржа од 16 до 20 јуни учествуваа 38 држави и тоа 28 држави од Европа и 10 држави надвор од Европа. Секоја од државите на олимпијадата имаше право да пријави тим од 5 ученици.

Друштвото на физичарите на Република Македонија (ДФРМ) се заблагодарува на водачите на тимот кои презедоа најголем товар при подготовките на учениците, како и на дипл. инж. Гоце Геговски и проф. д-р Трифче Сандев од Институтот за физика при ПМФ во Скопје, кои исто така посветија голем дел од времето за успешна подготовка на тимот.

ДФРМ се заблагодарува на Институтот за физика и на Природно-математичкиот факултет за помошта при подготовката на тимот и отстапувањето на простор и опрема.

ДФРМ се заблагодарува на родителите на учениците, кои го презедоа најголемиот дел од финанскиот товар за учество на тимот на оваа олимпијада. Останатите средства беа обезбедени од страна на ДФРМ.

ДФРМ им честита на сите ученици за достојното претставување на Македонија на оваа олимпијада и на наградените ученици. Тие се дел од тимот кој ќе ја претставува Македонија на 53. Меѓународна олимпијада по физика во Токио, Јапонија и им посакуваме уште поголем успех следниот месец!

ДФРМ

ИЗВЕСТУВАЊЕ ! (8.06.2023)

ИЗВЕСТУВАЊЕ ! (8.06.2023)

Првиот селекциониот натпревар за учество на Меѓународната Јуниорска Олимпијада по природни науки 2023., ќе се одржи на 03.07.2023 година (понеделник), со почеток од 10 часот на Природно - математичкиот факултет во Скопје (Горна зграда). На Селекциониот натпревар се покануваат следниве ученици кои имале најдобри резултати на Државните натпревари по физика, хемија и биологија одржани во 2023 година.

Преземи ја листата на поканети ученици

Поканетите ученици за учество на овој натпревар задолжително треба да го потврдат своето учество со испраќање на порака на следнава адреса: This e-mail address is being protected from spambots. You need JavaScript enabled to view it најкасно до 26.06.2023 година (23.59). Доколку учениците не го потврдат учеството до крајниот датум ќе се смета дека нема да учествуваат на натпреварот. 

Преземи го деталното известување за Селекциониот натпревар

Со почит

ДФРМ, СХТМ, МБД

ИЗВЕСТУВАЊЕ! (05.06.2023)

ИЗВЕСТУВАЊЕ! (05.06.2023)

Список со наградени ученици од Републичкиот натпревар по физика за учениците од основните училишта одржан на 03.06.2023 година. На сите наградени ученици ДФРМ им го честита успехот!



Со почит

ДФРМ

ИЗВЕСТУВАЊЕ ! (5.06.2023)

ИЗВЕСТУВАЊЕ ! (5.06.2023)

По завршувањето на Селекциониот натпревар по физика (одржан на 29 мај 2023 година на ПМФ во Скопје), за учество на Меѓународната Олимпијада по физика 2023., која што ќе се одржи од 10 до 17 јули 2023 година Токио, Јапонија, одреден е тимот средношколци кои ќе ја, преставуваат на Македонија на оваа олимпијада:

1. Јан Стојановски – трета година - ПСУ Јахја Кемал Скопје.

2. Мајкл Георгиевски – четврта година - СОУ Гимназија Добри Даскалов ,Кавадарци,

3. Матеј Гелев - трета година - ПСУ Јахја Кемал Скопје.

4. Емилија Николовска - трета година - Математичко - информатичка гимназија, Скопје

5. Кристијан Шишкоски – четврта година – ОСУ Св. Климент Охридски, Охрид


На учениците им посакуваме голем успех!

ДФРМ

More Articles...

Page 1 of 12

<< Start < Prev 1 2 3 4 5 6 7 8 9 10 Next > End >>