За нас

Друштвото на физичарите на Република Македонија (ДФРМ), основано во 1949 година во Скопје, Р. Македонија, е организација посветена на промоцијата и напредокот на физиката во Република Македонија.

Друштвото е претставителна организација на сите кои се занимаваат со физика или некоја од сродните науки, во Република Македонија. ДФРМ се занимава со активности како што се организацијата на натпреварите по физика, Школата „Млади физичари“ и конференцијата на ДФРМ.

Најново известување

ИЗВЕСТУВАЊЕ за избор на тим за учество на олимпијадата по природни науки (IJSO 2026)

ДФРМ, СХТМ и МБД отпочнуваат со активности за селекција и избор на македонскиот тим за учество на Меѓународната олимпијада по природни науки (IJSO) која ќе се одржи во декември 2026 година во Софија, Бугарија. За таа цел, се организира 1. селекционен натпревар кој ќе се одржи на 7. јули 2026 (вторник) со почеток од 10 часот на Природно-математичкиот факултет во Скопје.

Преземи ги деталните информации за натпреварот

Подолу е даден списокот на ученици кои се поканети да земат учество на овој селекционен натпревар.

Список на ученици кои се поканети на натпреварот

Ситe заинтересирани ученици своето учество задолжително треба да го најават на следниот линк – https://forms.gle/wzoeJsbBQiQGpfpK8 најдоцна до 30.06.2026 година (23.59).

Друштво на физичари на Република Македонија
Сојуз на хемичари и технолози на Македонија
Македонско биолошко друштво

Натпревари

Друштвото на физичарите на Република Македонија е одговорно за организација на натпреварите по физика за основно и средно образование, како и селекционите натпревари за разни олимпијади.

Школа Млади физичари

Секоја година се одржува Школата „Млади физичари“ на која учениците од средните и основните училишта ги претставуваат своите експерименти.

Конференција на ДФРМ

ДФРМ на секои две години одржува конференција која опфаќа разни теми од сите области на експериментална и теоретска физика, како и образованието.

www.if.pmf.ukim.edu.mk

www.balkanphysicalunion.info

www.eps.org