16th Conference of the Society of Physicists of Macedonia – CSPM 2026
24 – 27 September 2026
Ohrid, Macedonia
More information on:
https://dfrmconference.wixsite.com/cspm2026
XLVIII Школа „Млади физичари“
Почитувани директори, наставници, ученици и родители
Друштвото на физичарите на Република Македонија (ДФРМ) го најавува одржувањето на XLVIII Школа „Млади физичари“ и Ве повикува на учество.
Превземи известување за XLVII Школа „Млади физичари“.
Школата е наменета за
- ученици од средните училишта (сите години и струки) и нивните наставници по физика (четврток, 19 ноември 2026 година)
- ученици од основните училишта (седмо, осмо и деветто одделение) и нивните наставници по физика (петок, 20 ноември 2026 година)
Изложбата и натпреварот со демонстрации, експерименти, изработки, модели и симулации е од отворен тип и може да ја посети секој граѓанин.
XLVIII Школа „Млади физичари“ ќе се одржи на 19 и 20 ноември 2026 година (четврток и петок) во Скопје (Природно-математички факултет, горна зграда)
Програмата вклучува: - Предавања
- Демонстрации, експерименти и изработки
Секој регистриран учесник на Школата „Млади физичари“ добива:
- Сертификат за учество на школата „Млади физичари“
- Посета на предавањата и изложбите (експерименти, штандови и сл.)
- Успешните ученици и нивните ментори во делот експерименти добиваат и диплома
- Освежување и закуска
Пријавата за учество на Школата се пополнува најдоцна до 10 ноември 2026 на еден од следните линкови: - Ученици од средни училишта
https://docs.google.com/forms/d/e/1FAIpQLSdu43AMyyurQckzutDlmzOhb8H89RqULoFfv2y3GJiHka3lmg/viewform?usp=dialog - Ученици од основни училишта
https://docs.google.com/forms/d/e/1FAIpQLSdT4j-qe6MUCzo1oHhLvSxEzd7i_fgd0L_k0TCcizpBIzj7dQ/viewform?usp=dialog - Наставници ментори
https://docs.google.com/forms/d/e/1FAIpQLSc3R07YTuNvotXGKYQK-7GDeWVxcQFpm8Oq7PdzJ2DC5MkbQw/viewform?usp=dialog
ПОДАТОЦИТЕ ВО СЕРТИФИКАТОТ И ДИПЛОМАТА ЌЕ БИДАТ ВНЕСЕНИ ИДЕНТИЧНО КАКО ШТО Е ПОТПОЛНЕТА ПРИЈАВАТА.
Со експеримент може да се претстави ученик или група од најмногу двајца ученици. Оценувањето на експериментите ќе биде, 50% од изработка и 50% од презентација.
Оние ученици што ќе се пријават со експеримент треба да испратат пополнет образец „Опис на експериментот“ најдоцна до 10 ноември 2026 на dfrm1949@gmail.com.
Превземи Опис на експериментот
Експерименти кои се презентирани на претходни настани (натпревари, изложби и слично), како Школа „Млади физичари“ во претходните години, Народна техника, Ноември-месец на науката, Конференции (пример во Алексинац и сл.), Еразмус проекти и други настани во Македонија и странство нема да бидат рангирани за награди.
Краен рок за пријавување за Школата „Млади физичари“ е 10 ноември 2026 година (23:59)
Котизацијата за учество на XLVIII Школа „Млади физичари“ 2026
За ученици
700 ден. (уплата најдоцна до 10 ноември 2026)
1000 ден. (уплата по 10 ноември 2026)
20 евра (за ученици од странство)
За наставници
200 ден. за членови на ДФРМ (платена членарина за 2026), за уплата до 10 ноември 2026
400 ден. за членови на ДФРМ (платена членарина за 2026), за уплата по 10 ноември 2026
0 ден. за членови на ДФРМ (ако е ментор на најмалку пет ученици)
900 ден. за наставници кои не се членови на ДФРМ, уплата до 10 ноември 2026
1200 ден. за наставници кои не се членови на ДФРМ, уплата по 10 ноември 2026
20 евра (за наставници од странство)
Уплатата се врши на жиро сметката на ДФРМ (освен за учесници од странство)
Потребни податоци за уплата*
*Ако се врши уплата на една уплатница за повеќе учесници треба да се испрати список на ученици и ментори за кои важи уплатата на електронската адреса bocemitrevski@gmail.com
ЗА ИЗДАВАЊЕ СЕРТИФИКАТ ИЛИ ДИПЛОМА НА УЧЕНИЦИ ИЛИ МЕНТОРИ КОИ НЕ СЕ ПРИЈАВИЛЕ ПРЕКУ СООДВЕТНИТЕ ФОРМУЛАРИ, КАКО И ЗА ИЗДАВАЊЕ ПРЕПИС НА СЕРТИФИКАТ ИЛИ ДИПЛОМА, СЕ НАПЛАЌА НАДОМЕСТ ОД 500 ДЕНАРИ, СО УПЛАТА НА СМЕТКАТА НА ДФРМ.
Опис на експериментот (Word документ) е достапен на веб страната на ДФРМ, www.dfrm.org
Скопје, 09.10.2026
Проф. д-р Ламбе Барандовски
Претседател на ДФРМ
За нас
Друштвото на физичарите на Република Македонија (ДФРМ), основано во 1949 година во Скопје, Р. Македонија, е организација посветена на промоцијата и напредокот на физиката во Република Македонија.
Друштвото е претставителна организација на сите кои се занимаваат со физика или некоја од сродните науки, во Република Македонија. ДФРМ се занимава со активности како што се организацијата на натпреварите по физика, Школата „Млади физичари“ и конференцијата на ДФРМ.
Најново известување
По завршувањето на Вториот селекционен натпревар одржан на 03. септември 2026 на Природно – математичкиот факултет во Скопје, определен е македонскиот тим кој ќе учествува на Меѓународната јуниорска олимпијада по природни науки (IJSO 2026), што ќе се одржи во декември 2026 во Софија, Бугарија.
Составот на тимот кој ќе ја претставува Македонија на оваа олимпијада е следниот:
– Дамјан Чамушев, ученик од ООУ „Ванчо Прке“, Штип
– Елена Секулоска, ученичка од ООУ „Григор Прличев“, Охрид
– Јован Денковски, ученик од ООУ „Крсте Мисирков“, Куманово
– Александар Серафимовски, ученик од ООУ „Владо Тасевски“, Скопје
– Павел Ангелов, ученик од ООУ „Александар Македонски“, Скопје
– Марко Милески, ученик од ООУ „Јосип Броз Тито“, Струга
На учениците им упатуваме честитки за остварениот успех!
ДФРМ, СХТМ, МБД
Активности
Друштвото на физичарите на Република Македонија е одговорно за организација на натпреварите по физика за основно и средно образование, како и селекционите натпревари за разни олимпијади.
Секоја година се одржува Школата „Млади физичари“ на која учениците од средните и основните училишта ги претставуваат своите експерименти.
ДФРМ на секои две години одржува конференција која опфаќа разни теми од сите области на експериментална и теоретска физика, како и образованието.
Може да ве интересира
