Друштвото на физичарите на Македонија е одговорно за организација на натпреварите по физика за основно и средно образование, како и селекционите натпревари за разни олимпијади. Како организатор, Друштвото ги води регионалните натпревари од 1967 година и републичките натпревари од 1957 година, а од 2013 година ја организира и Републичката олимпијада по физика. Секоја година, повеќе од 500 ученици учествуваат на овие натпревари, а најдобрите од нив се избираат да ја претставуваат Македонија на Меѓународната олимпијада по физика.